168

وزیراعلیٰ پنجاب آج ڈیرہ غازی خان میں ترقیاتی منصوبوں کا افتتاح کریں گے


لاہور، ڈیرہ غازی خان ڈیر ہ غازی خان کے عوام کے لئے بڑا انعام، وزیر اعلیٰ پنجاب شہباز شریف آج ڈی جی خان میں ترقیاتی منصوبوں کا افتتاح کریں گے، گذشتہ پانچ سالوں میں27303.467ّّّملین روپے کی کثیر لاگت سے بنے انفرا سٹریکچر، صحت اور تعلیم سمیت دیگر منصوبے شامل ہیں۔ اس سے قبل وزیر اعلیٰ پنجاب ضلع اوکاڑہ، لیہ منڈی بہاؤ الدین، لودھرااں، پتو کی، گوجرا نوالہ اور ملتان میں فلاح عامہ کے متعدد منصوبو ں کا افتتاح کر چکے ہیں۔
اعلامیہ کے مطابق ڈیرہ غازی خان کے عوام کو سفری سہولیات اور آمدو رفت میں آسانی فراہم کرنے کے لئے متعدد سڑکوں کی از سر نو تعمیر وتوسیع کی گئی ہے۔ ان سڑکوں کی تعمیر و کشادگی کے منصوبوں میں 24 کلو میٹر طویل چھوٹی زرین تا چھوٹی با لا سڑک کو 352.725 ملین روپے کی لاگت سے 10 سے 12 فٹ کشادہ کیا گیا۔ اس کے ساتھ ہی ڈی جی خان شہر سے 18 کلو میٹر کے فاصلے پرانڈس روڈ پر واقع 5.50 کلو میٹر طویل کوٹ چھوٹا بائی پاس کی تعمیر بھی 447.707 ملین روپے کی لاگت سے مکمل کی گئی۔ نو تعمیربائی پاس ڈی جی خان کے ملحقہ دیہاتوں کوچھوٹی زرین زرعی منڈی، ڈی جی خان اور جا م پور شہر سے جوڑتا ہے۔

دوسری جانب بستی مولانا انڈس ہائی وے تا حیدری چوک سڑک اور انڈس ہائی وے محبوب تا بستی کو کاری کی تعمیر کے لئے 300.156 ملین روپے کثیر رقم خرج کی گئی ہے۔ جبکہ مظفر آباد تا ڈی جی خان 20.60 کلو میٹر طویل دو طرفہ سڑک زیر تعمیر ہے،صحت کی بنیادی سہولیات کی فراہمی کے پیش نظر 918.415 ملین روپے کی لاگت سے ڈی جی خان میڈیکل کالج تعمیر کیا گیا اور ڈسٹرکٹ بھر میں مختلف موبائل ہیلتھ یونٹس، کھر اور فورٹ منرو میں ٹی ایچ کیو ہسپتال قائم کئے جا چکے ہیں۔جبکہ 4551.575 ملین روپے کی لاگت سے ڈی ایچ کیو ہسپتال کی ٹیچنگ ہسپتال میں اپ گریڈیشن جاری ہے۔ دوسری جانب ٹریفک حادثات کی صورت میں فوری طبی سہولیات کی فراہمی یقینی بنانے کے لئے ڈی جی خان تا مین (Main)انڈس روڈ پر تمام طبی سہولیات سے آراستہ ، 20 بستروں پر مشتمل انڈس ہائی وے پر ٹراما سنٹر قائم کیا گیا ہے، جس کی کل لاگت 93.267 ملین روپے ہے۔
اعلامیہ میں مزید کہا گیا کہ بچوں کی اچھی صحت کے حصول کے لئے 32 اورل تھراپیوٹک سائٹس کا قیام ،نمونیا اور ڈائریا سے متاثرہ بچوں کیلئے 1034 مفت ایمبولینس سروس کا افتتاح اور 5سال سے کم عمر61200بچوں کیلئے ویکسینیشن اور باقاعدہ حفاظتی ٹیکوں کے انتظام میں بہتری صحت عامہ کے نمایاں منصوبوں میں سر فہرست ہیں۔
پنجاب حکومت نے دیرہ غازی خان کے شعبہ تعلیم میں بھی بہتری لانے کے لئے نمایاں اقدامات کیے ہیں، ان اقدامات میں ڈی جی خان میں دانش سکول(برائے طلباء و طالبات) کی تعمیر، طلباء و طالبات کے لئے ٹریننگ اور تعلیمی سرگرمیوں کے مراکزکا قیام،زیور تعلیم پروگرام کے تحت کلاس ششم سے کلاس دہم تک خدمت کارڈز کا اجراء،بھٹے پر کام کرنے والے 694 بچوں کا سکولوں میں داخلہ اور انکی سہولت کے لئے خدمت کارڈ کا اجرا،یوپی ای / یو ایس ای مہم کے تحت اسکول نہ جانے والے 233000 بچوں کااسکولوں میں داخلہ، اساتذہ کی تعداد میں 2500تک اضافہ،374 اسکولوں میں اضافی کلاس رومز کی فراہمی اور 70 اسکولوں کی عمارتوں کی تعمیر سر فہرست ہیں۔ جبکہ گذشتہ 10 سالوں میں میرٹ پر 6691 اساتذہ کی تقرریاں بھی قابل ستائش اقدام ہے۔
بیان کے مطابق 453.540 ملین روپے کی لاگت سے ڈی جی خان اربن واٹر سپلائی اور 604.079 ملین روپے کی لاگت سے اربن سیورج اسکیم منصوبوں کی توسیع مکمل کی گئی ہے جبکہ 150.447 ملین کی لاگت سے ڈیرہ اسماعیل خان میں بچوں کے لئے حفاظتی مراکز کا عمل بھی زیر تعمیر ہے۔ وزیر اعلیٰ پنجاب شہباز شریف کی اعلیٰ قیادت اور سرپرستی میں پنجاب کے اضلاع ’’دن دگنی، رات چگنی ‘‘ترقی کی راہ پر گامزن ہیں، جس کا عملی ثبوت ترقیاتی منصوبوں کے افتتاح کی شکل موجود ہے۔

اس خبر پر اپنی رائے کا اظہار کریں

اپنا تبصرہ بھیجیں