96

فلپائن میں مسجد پر دستی بم حملہ، 2 افراد جاں بحق

منیلا:(ڈیلی پریس کانفرنس) جنوبی فلپائن کی مسجد میں دستی بم حملے کے نتیجے میں 2 افراد جاں بحق جب کہ 4 زخمی ہوگئے۔

(ڈیلی پریس کانفرنس) کے مطابق جنوبی فلپائن کی ایک مسجد میں دستی بم سے حملہ گیا، جس کے نتیجے میں 2 افراد جاں بحق اور 4 زخمی ہوگئے۔ حملے کے بعد ریسکیو اہلکاروں نے زخمیوں کو اسپتال منتقل کیا جب کہ سیکیورٹی فورسز نے مسجد سے ملحقہ علاقے کو گھیرے میں لیکر حملہ آوروں کی تلاش شروع کردی۔

اس خبر کو بھی پڑھیں : فلپائن میں چرچ کے نزدیک دو دھماکوں میں 27 افراد ہلاک

پولیس حکام کے مطابق دہشت گرد مسجد میں دستی بم پھینک کر فرار ہوگئے جن کی تلاش جاری ہے جب کہ فلپائن میں گرجا گھر پر حملے کے بعد سے سیکیورٹی ہائی الرٹ ہے۔

واضح رہے کہ چند روز قبل فلپائن کے جزیرے جولو میں چرچ کے قریب یکے بعد دیگرے دو دھماکوں میں 27 افراد ہلاک اور 48 زخمی ہوگئے تھے جب کہ حملے کی ذمہ داری دہشت گرد تنظیم داعش نے قبول کی تھی۔

اس خبر پر اپنی رائے کا اظہار کریں

اپنا تبصرہ بھیجیں